Një konflikt i nisur në një lokal në Borsh ka përfunduar me të shtëna armësh.
H.Ç., 42 vjeç, pas një përplasjeje fizike me E.V., 55 vjeç, është kthyer i armatosur dhe ka qëlluar drejt automjetit të E.Sh., 33 vjeç, duke e plagosur në shpatull dhe këmbë.
Gjithashtu, ai ka goditur me qytën e armës edhe A.D., 43 vjeç.
H.Ç. u arrestua në flagrancë, ndërsa E.V. është shpallur në kërkim.
Në vendngjarje u sekuestruan 4 gëzhoja dhe një krehër me fishekë.
Vijojnë hetimet për zbardhjen e plotë të ngjarjes.
