Andrea Gjini, 61 vjeç, i njohur edhe si Andrea Kuqja, është arrestuar në Belsh pas një kërkimi ndërkombëtar.
Ai ishte shpallur në kërkim nga autoritetet italiane, pasi ishte dënuar me 15 vjet e 9 muaj burg nga Gjykata e Lucca-s në vitin 2016.
Dënimi përfshin akuzat për “Shfrytëzim prostitucioni”, “Trafikim narkotikësh” dhe “Plagosje”.
Arrestimi i tij u realizua pas informacionit të siguruar dhe ka për qëllim ekstradimin e tij në Itali, ku do të vuajë dënimin.
