Rusia gjatë natës së kaluar ka sulmuar Kievin dhe si pasojë kanë humbur jetën 13 persona, përfshirë një djalë 6-vjeçar. Ndërsa 132 të tjerë janë plagosur, ku 14 ishi fëmijë dhe një foshnje vetëm 5 muajshme.
Sipas kreut të Administratës Ushtarake të qytetit, Tymur Tkachenko, ekipet e shpëtimit janë ende në kërkim të personave të bllokuar nën rrënoja.
Sipas forcave ajrore të Ukrainës, Rusia përdori gjithsej 309 dronë, duke përfshirë dronë Shahed dhe dronë mashtrues, si dhe tetë raketa Iskander-K. Mbrojtja ajrore ukrainase arriti të rrëzojë 288 dronë dhe tri raketa, por pesë raketa dhe 21 dronë arritën të godasin objektiva në tokë.
