Autoritetet në Nju Jork dhe Nju Xhersi kanë shpallur gjendje të jashtëzakonshme pas reshjeve të dendura që shkaktuan përmbytje të mëdha dhe ndërprerje të transportit publik.
Mijëra banorë mbetën pa energji elektrike, ndërsa ekipet e shpëtimit u angazhuan në evakuimin e qytetarëve të bllokuar në rrugë dhe ndërtesa.
Metrotë dhe trenat ndërqytetas u pezulluan përkohësisht për shkak të përmbytjes së shinave, ndërkohë që fluturime të shumta u anuluan në aeroportet kryesore të verilindjes së SHBA-së.
Banorëve iu kërkua të qëndrojnë në shtëpi dhe të shmangin lëvizjet e panevojshme.
Zyrtarët paralajmëruan se situata mund të përkeqësohet, ndërsa stuhitë vijnë vetëm pak javë pas një vale të ngjashme reshjesh që shkaktoi viktima dhe dëme të konsiderueshme materiale.
