Presidenti amerikan, Donald Trump ka reaguar pas sulmeve të Rusisë në Kiev duke vrarë 28 persona dhe duke plagosur dhjetëra tjerë. Trump i ka quajtur këto veprime të Moskës si të neveritshme.
“Mendoj që është e neveritshme ajo që po bën Rusia”, u ka thënë Trump gazetarëve në Shtëpinë e Bardhë më 31 korrik.
“Ajo çfarë po bën Rusia është shumë pikëlluese. Shumë rusë janë duke vdekur”, shtoi ai.
Trump tha edhe se Shtetet e Bashkuara po planifikojnë të vendosin sanksione të reja ndaj Moskës.
