Portieri shqiptar Etrit Berisha po kalon një periudhë të shkëlqyer në Suedi, që nga transferimi te FC Hacken në prill.
Ai u bë protagonist në kualifikimin e skuadrës në turin e dytë të Europa League, duke pritur një penallti dhe shënuar një tjetër në serinë e penalltive ndaj Anderlecht.
Si rezultat i formës së tij të lartë, klubi suedez e ka zyrtarizuar rinovimin e kontratës me Berishën deri në verën e vitit 2027.
Berisha shprehet i kënaqur me ambientin dhe potencialin e ekipit, ndërsa performanca e tij mund t’i japë sinjal edhe trajnerit Sylvinho për një rikthim në Kombëtare.
