Ditën e djeshme një zjarr ka përfshirë disa fshatra të Njësisë Administrative Kastrat në Shkodër.
Zjarri është përhapur me shpejtësi për shkak të erës. Gjatë shuarjes së flakëve u lëndua edhe efektivi i shërbimit zjarrfikës, i cili ndodhet në spitalin e Shkodrës jashtë rrezikut për jetën.
Ndërkohë policia dhe shërbimet zjarrfikëse po punojnë për dokumentimin e plotë të ngjarjes si dhe për identifikimin dhe kapjen e autorit ose autorëve të dyshuar për shkaktimin e zjarrit.
