Ambasadori i Shqipërisë në Maqedoninë e Veriut Denion Meidani, reagoi ashpër për thirrjet raciste ndaj shqiptarëve gjatë një ndeshjeje basketbolli në Kumanovë.
Ai theksoi se gjuha e urrejtjes nuk ka vend në sport e në shoqëri, duke kërkuar reagim të fortë nga autoritetet maqedonase.
“Bashkëjetesa kërkon respekt dhe angazhim të përditshëm — jo vetëm në tribunë, por kudo,” tha Meidani, duke shtuar se pret nga institucionet të flasin qartë dhe me përgjegjësi.
Gjatë ndeshjes, tifozët përdorën brohoritje fyese si “Shqiptari i mirë është shqiptari i vdekur” dhe referenca të dhunshme historike, që kanë tronditur komunitetin dhe theksuar nevojën për tolerancë.
