Ditën e sotme Papa Leo XIV mbajti një meshë madhështore në një hapësirë të hapur jashtë në Tor Vergata. Në meshë morën pjesë mbi një milion të rinj katolikë nga e gjithë bota. Gjithashtu edhe 20 kardinalë, 450 peshkopë dhe 7,000 priftërinj katolikë.
“Anët tona të cenueshme janë pjesë e ekzistencës dhe entitetit tonë të mrekullueshëm.”, tha Papa.
Ai bëri thirrje që të rinjtë të mos kërkojnë një përsosmëri të rreme, por të pranojnë veten me gjithë mangësitë.
Duke iu referuar një mesazhi të paraardhësit të tij, të ndjerit Papa Françesku, Papa amerikan theksoi:
“Të gjithë ne jemi të thirrur të përballemi me pyetje të mëdha, të cilat nuk kanë përgjigje të menjëhershme, por që na ndihmojnë të ecim përpara, të kapërcejmë kufijtë dhe të ngremë veten në lartësi të reja.”
