Muaji gusht ka nisur me një fluks të madh udhëtarësh në pikën kufitare të Kakavijës.
Që nga e premtja, rreth 18 mijë persona kanë hyrë në Shqipëri, kryesisht emigrantë që kthehen për pushimet verore pranë familjeve të tyre.
Numri më i madh i udhëtarëve është regjistruar gjatë fundjavës, ndërsa autoritetet shqiptare kanë garantuar shpejtësi në kalimin e doganës duke punuar me katër sportele, ndërsa autoritetet greke me dy.
Ndryshe nga vitet e kaluara, nuk janë shfaqur radhë të gjata, pavarësisht fluksit të shtuar. Gjithashtu, rreth 30 mijë persona kanë hyrë e kanë dalë nga Kakavija që nga 1 gushti.
