Qeveria e Ruandës ka rënë dakord të pranojë deri në 250 migrantë të deportuar nga Shtetet e Bashkuara, sipas një marrëveshjeje të re të arritur mes dy vendeve.
Lajmi është konfirmuar nga zëdhënësja e qeverisë, Yolande Makolo, e cila tha se Ruanda i jep prioritet riintegrimit dhe se çdo migrant do të vlerësohet individualisht për miratim.
Ende nuk ka detaje mbi afatet apo kombësitë e personave që do të zhvendosen.
Marrëveshja vjen në një kohë kur SHBA po shton përpjekjet për të deportuar emigrantët e parregullt drejt vendeve të treta, kryesisht në Afrikë.
Ndërkohë, Ruanda është nën kritika për gjendjen e të drejtave të njeriut dhe përfshirjen në konfliktin në Republikën Demokratike të Kongos.
