Të paktën gjashtë persona humbën jetën dhe disa të tjerë u plagosën si pasojë e sulmeve ruse në veri-lindje dhe jug të Ukrainës.
Në rajonin e Harkivit, dy persona u vranë në sulmet që goditën infrastrukturën hekurudhore në Lozova, ndërsa 10 të tjerë, përfshirë dy fëmijë, u plagosën.
Një tjetër sulm me dron goditi një kompleks bujqësor pranë Sumy-t, ku humbën jetën dy persona.
Në jug të vendit, në rajonin e Zaporizhias, dy persona vdiqën pas një sulmi me dron rus.
Nga ana tjetër, në territoret e pushtuara të Luhanskut, katër persona u vranë nga bombardimet ukrainase.
Forcat ukrainase njoftuan rrëzimin e 29 dronëve rusë gjatë natës në veri-lindje.
Në muajin korrik, Rusia ka përdorur mbi 6,200 dronë në sulmet e saj, shifra më e lartë që nga fillimi i luftës.
