Deputetja e PD-së, Jorida Tabaku, ka kritikuar ashpër qeverinë për politikat ndaj bujqësisë, duke e cilësuar aplikimin aktual të TVSH-së si të padrejtë dhe penalizues për fermerët.
“Diferenca mes TVSH-së në hyrje dhe dalje po kthehet në një super taksë që favorizon importuesit dhe dëmton prodhuesin vendas,” u shpreh Tabaku në një reagim në rrjete sociale.
Ajo theksoi se PD ka propozuar një TVSH të unifikuar në nivelin 6%, për të formalizuar dhe bërë konkurrues sektorin.
Duke komentuar nismat për kreditimin e fermerëve, Tabaku shtroi pyetjen: “Çfarë vlere ka kredia kur prodhimi është në krizë dhe fondet IPARD janë djegur?”
Deputetja e mbylli reagimin duke thënë se bujqësia ka nevojë për mbështetje reale dhe politika të ndershme, jo propagandë.
