Kryetari i Kuvendit të Maqedonisë së Veriut, Afrim Gashi ka deklaruar se zgjedhjet lokale të planifikuara për këtë vjeshtë do të shpallen me 8 ose 9 gusht. Gashi shprehu pritshmëritë për zgjedhje të ndershme dhe demokratike.
Zgjedhjet për këshillat komunalë dhe raundi i parë i zgjedhjeve për kryetarë komunash do të mbahen më 19 tetor. Ndërsa raundi i dytë për zgjedhjet e kryetarëve të komunave do të zhvillohet më 2 nëntor.
Ndërkohë partitë politike duhet të dorëzojnë kandidaturat e tyre për kryetarë komunash dhe këshilltarë komunalë në komisionet zgjedhore komunale jo më vonë se 35 ditë përpara datës së zgjedhjeve lokale.
