Ministria e Bujqësisë dhe Zhvillimit Rural ka vendosur masa të reja për kufizimin e importit të shpendëve dhe derrave nga disa vende për shkak të përhapjes së sëmundjeve serioze.
Importi i shpendëve të gjallë, mishit të freskët dhe vezëve nga Bullgaria, Polonia dhe vende të tjera është i ndaluar, nëse nuk shoqërohet nga testet që vërtetojnë mungesën e virusit të pseudopestit.
Gjithashtu, është ndaluar importi i derrave të butë dhe të egër nga vende të ndryshme, për shkak të rrezikut nga murtaja afrikane, përveç disa produkteve të përpunuara si mishi në kontenier të mbyllur hermetikisht dhe ushqimi i thatë për kafshët.
Në të njëjtën kohë, ministria ka ndaluar edhe importin e kafshëve ruminante dhe kamelidë nga disa vende, për shkak të sëmundjes së gjuhës blu.
