Sot pritet të mbizotërojnë kushte të qëndrueshme atmosferike në të gjithë territorin, duke sjellë një ditë me mot të kthjellët dhe temperatura të larta tipike për muajin gusht.
Sipas parashikimeve nga Shërbimi Meteorologjik Ushtarak, moti do të jetë kryesisht i pastër, ndërsa pas mesditës priten vranësira kalimtare, të cilat do të shfaqen kryesisht në zonat kodrinore dhe malore.
Era do të fryjë me drejtim verilindor në veriperëndim, me intensitet mesatar rreth 8 metra në sekondë.
Në zonat luginore dhe përgjatë vijës bregdetare priten herë pas here shtim të shpejtësisë së erës, duke arritur deri në 18 metra në sekondë.
Sa i përket detit, ai do të paraqitet me dallgëzim të lehtë deri mesatar, me forcë nga 2 deri në 4 ballë.
