Efektivi Klajdi Mustaj, 26 vjeç rrezikoi jetën për të shpëtuar katër persona që udhëtonin me një automjet tip “Benz”, i cili u përmbys mbrëmjen e kaluar në Qafën e Koshovicës.
Mustaj në një deklaratë për mediat ka treguar se ka vepruar instinktivisht për të nxjerrë trupat nga makina, e cila mori flakë pak çaste më vonë. Ai ka treguar se pavarësisht se aty ndodheshin rreth 30 persona, askush tjetër nuk ndërhyri për të ndihmuar.
Gjithashtu ka thënë se edhe nëse do të përballej përballej sërish me një situatë të ngjashme, nuk do të hezitonte të vepronte njësoj. Mustaj u ka bërë apel drejtuesve të mjeteve që të respektojnë rregullat e qarkullimit rrugor për të shmangur tragjeditë.
