Anëtari i Presidencës së Parlamentit Evropian, Andrey Kovatchev ka reaguar ndaj ndërprerjes së transmetimit të News 24 dhe rrethimit të godinës së medias në fjalë nga policia.
Kovatchev me anë të një postimi në platformën X shprehet se këto zhvillime vënë në pikëpyetje lirinë e medias. Ai bën thirrje për transparencë të plotë mbrojtjen e medias së lirë dhe të gazetarisë në Shqipëri.
“Kanë kaluar dy ditë që nga hyrja në fuqi e EMFA-s, një ligj historik që riafirmon se liria e medias është themeli i demokracisë. Lajmet e fundit nga Tirana për pronën e marrë me qira nga Panorama Group ngrenë pikëpyetje. Bëj thirrje për transparencë të plotë dhe për mbrojtjen e medias së lirë dhe të gazetarisë në Shqipëri”, shkruan ai.
Two days since EMFA took effect, landmark legislation reaffirming media freedom as the backbone of democracy. Recent news from Tirana about Panorama Group’s rental lease raise questions. I call for full transparency and protection of free media & journalism in Albania
— Andrey Kovatchev (@andreykovatchev) August 9, 2025
