Presidentja e Kosovës, Vjosa Osmani, ka përshëndetur marrëveshjen e paqes mes Azerbajxhanit dhe Armenisë, duke e cilësuar atë si një arritje të rëndësishme të udhëheqjes amerikane.
Përmes një postimi në rrjetin X, Osmani falënderoi presidentin amerikan Donald Trump për ndërmjetësimin, duke thënë se ky është një shembull i qartë i ndikimit që sjell një lidership i fortë në promovimin e paqes.
Sipas saj, Kosova mbetet krenare që qëndron në krah të SHBA-së në përpjekjet për stabilitet dhe siguri globale.
Marrëveshja mes dy vendeve vjen pas një konflikti të zgjatur për më shumë se tri dekada.
