Ashtu si ishte paralajmëruar më herët, është hapur portali “Hapësira ime publike”, një nismë që synon mbrojtjen e hapësirave publike nga uzurpimi dhe abuzimi.
Kryeministri Edi Rama e ka prezantuar portalin si një dritare të re komunikimi me qytetarët, ku secili mund të raportojë shkelje si ndërtimet pa leje, zënien e trotuareve, ndotjen pranë rrugëve, apo parkingje të paligjshme.
Nëse institucionet nuk reagojnë brenda 24 orëve, qytetarët kanë të drejtë të dorëzojnë një ankesë të plotë përmes formularit të portalit. Deri tani janë regjistruar 11 raste të denoncuara.
Ky hap vjen në kuadër të aksionit për lirimin e hapësirave të zëna në mënyrë të paligjshme, ku Rama ka paralajmëruar ndëshkime të ashpra për shkelësit.
