Gjykata e Dibrës ka caktuar masat e sigurisë për katër të arrestuarit për aksidentin me vdekje të ndodhur në minierën e Bulqizës. Dy ditë më parë humbi jetën minatori Fari Veliu, 66 vjeç, i punësuar nga kompania minerare “Gerti sh.p.k”.
Gjykata ka lënë në gjendje të lirë Ferit Truka 61 vjeç dhe Besnik Çupi 68 vjeç. Ndërsa Ervis Kadiu, 35 vjeç dhe Edmond Xhafa 51 vjeç u lanë në masat “arrest shtëpie”.
Ata të katër janë punonjës të stafit teknik të kompanisë minerare, që dyshohen për veprën penale të “shkeljes së rregullave të mbrojtjes në punë”.
