Dinamo City ka realizuar një goditje të madhe në merkato duke firmosur me sulmuesin kosovar Bernard Berisha.
Lajmi u bë publik nga vetë klubi përmes rrjeteve sociale, ku theksohet se ky transferim është një surprizë e presidentit Adrian Bardhi.
Berisha, i cili ka përvojë ndërkombëtare me kombëtaren e Kosovës dhe në kampionatin rus, rikthehet në futbollin shqiptar pas aventurave me Besën dhe Skënderbeun.
Ai pritet të sjellë cilësi dhe eksperiencë në skuadrën e drejtuar nga trajneri Ilir Daja.
