Në samitin që do të mbahet në mes të gushtit mes Vladimir Putinit dhe Donald Trump, Rusia pritet të kërkojë zyrtarisht që të njohë kontrollin e saj mbi pjesë të mëdha të Ukrainës. Këto përfshijnë rajonet e Donetskut dhe Luganskut, ku tashmë Rusia ka kontroll pjesërisht apo total, si dhe Krimenë, e cila u aneksua në 2014.
Situata në terren është e ngurtësuar, me luftime të ashpra, por pa ndryshime të mëdha territoriale. Forcat ruse po bëjnë sulme të vogla dhe të vazhdueshme, ndërsa ukrainasit qëndrojnë fort, veçanërisht në rajonin e Sumyt dhe në qytetin strategjik të Pokrovskut, ku luftimet janë shumë të rënda.
Në jug, në Zaporizhzhia dhe Kherson, situata është po ashtu e tensionuar, por një sulm i madh rus është i vështirë për shkak të mbrojtjes së fortë ukrainase.
Ndërkohë që Rusia po përgatitet për samitin dhe kërkon njohje për territoret e pushtuara, Ukraina po përballet me mungesë trupash dhe ndihme nga partnerët, por nuk dorëzohet dhe pritet të planifikojë një kundërofensivë.
