Radhë të gjata automjetesh, deri në 2 kilometra, janë krijuar sërish në pikën kufitare të Kapshticës. Qytetarët po presin orë të gjata për shkak se pala greke në Krystallopigi po punon me sportele të pakta.
Edhe pse gjatë gushtit kalojnë normalisht mbi 37 mijë persona në këtë pikë, ngadalësia nga pala greke po shkakton pritje të gjata dhe shumë pakënaqësi.
Pala shqiptare po punon me kapacitet të plotë për të shmangur bllokimet, por qytetarët kërkojnë që të gjendet një zgjidhje sepse kjo situatë përsëritet çdo vit.
