Australia pritet të mbështesë zyrtarisht njohjen e shtetit palestinez në Asamblenë e Përgjithshme të OKB-së në shtator, duke iu bashkuar vendeve si Mbretëria e Bashkuar, Franca dhe Kanadaja.
Kryeministri Anthony Albanese tha se vendimi erdhi pas angazhimeve të marra nga Autoriteti Palestinez, përfshirë çmilitarizimin, mbajtjen e zgjedhjeve të lira dhe njohjen e të drejtës së Izraelit për të ekzistuar.
“Shteti palestinez është shpresa më e mirë për t’i dhënë fund konfliktit dhe vuajtjeve në Gaza,” u shpreh Albanese.
Ndërkohë, Izraeli ka kundërshtuar ashpër këtë qasje, duke e quajtur njohjen e shtetit palestinez si një “shpërblim për terrorizmin”.
