Policia e Sarandës ka marrë masa ndaj një personi që shkelte perimetrin e sigurisë ujore duke lundruar me Jet Ski brenda zonës së pushuesve në Ksamil.
Pronarit të mjetit iu vendos masa administrative 100 mijë lekë dhe mjeti u bllokua nga Policia Kufitare.
Ky rast u zbulua pas një ankese në portalin e bashkëqeverisjes dhe pamjet u shpërndanë edhe në rrjetet sociale.
Policia apelon që të gjithë përdoruesit e mjeteve lundruese të respektojnë perimetrin e sigurisë dhe rregullat për lundrim.
