Më 15 gusht, presidenti amerikan Donald Trump dhe homologu i tij rus Vladimir Putin do të zhvillojnë një takim në Anchorage, qyteti më i madh i Alaskës.
Sekretarja e Shtëpisë së Bardhë, Karoline Leavitt, njoftoi se Trump është i vendosur të përpiqet të ndalojë luftën dhe humbjet e jetëve në Ukrainë.
Në këtë takim, Trump synon të bindë Putinin për të dhënë fund konfliktit dhe për të hapur rrugën për një armëpushim.
Ai nuk përjashton mundësinë e shkëmbimeve teritoriale mes palëve si pjesë e një zgjidhjeje të mundshme.
Ky raund bisedimesh do të shërbejë si një hap fillestar për të gjetur një rrugë drejt paqes dhe për të ulur tensionet që vazhdojnë të mbajnë në ankth botën.
