Situata e zjarrit në Gramsh vazhdon që të jetë alarmante. Zjarri ka djegur 39 banesa, si dhe sipërfaqe të mëdha me pyje e shkurre, por edhe dhjetëra bagëti që mbetën të rrethuara nga flakët.
Zjarret kanë alarmuar si banorët e fshatit ashtu edhe zjarrfikësit. Në zonë janë dëgjuar shpërthime predhash si pasojë e flakëve që përfshinë malin.
“Hajde ikim, do digjemi”, shprehet një nga zjarrfikësit.
Ndërkohë për shuarjen e tij po punojnë më shumë se 350 efektivë të ndihmuar edhe nga ajri me helikopter.
