Deputeti i Partisë Demokratike, Tritan Shehu, ka ngritur alarmin për situatën kritike në fshatin Hormovë, Tepelenë, i cili sipas tij është pothuajse i rrethuar nga zjarri.
Shehu paralajmëron se flakët mund të përhapen edhe në fshatra të tjerë të Tepelenës dhe Gjirokastrës, ndërsa thekson mungesën e mbështetjes nga autoritetet qendrore.
Ai kritikon kapacitetet vendore, të cilat i cilëson të pamjaftueshme dhe të papajisura për përballimin e situatës, pavarësisht përpjekjeve njerëzore në terren.
Shehu kërkon ndërhyrje të menjëhershme nga toka dhe ajri, për të shmangur një tjetër katastrofë si ajo e ndodhur më herët në Lekël.
