Flakët vazhdojnë të kërcënojnë disa zona të Qarkut të Beratit, me situatën më të rënduar në Poliçan dhe Velçan.
Në Rezervatin “Balloll” në Poliçan, zjarri ka përfshirë sipërfaqe pylli dhe forcat e emergjencës janë duke luftuar për ta kontrolluar, me ndihmën e 30 trupave të ushtrisë dhe mjeteve zjarrfikëse.
Në Velçan, flakët po përhapen shpejt dhe po përballen me 20 zjarrfikës dhe forca të tjera.
Ndërsa në Skrapar, zjarri në fshatin Orizaj ka intensitet të ulët dhe situata është nën kontroll.
Bashkitë Dimal dhe Kuçovë raportojnë gjendje të qetë, pa vatra aktive.
