Péter Magyar, lideri i Partisë Tisza në Hungari, ka reaguar pas mbylljes së kutive të votimit, duke e cilësuar ditën e zgjedhjeve si “historike” dhe duke falënderuar qytetarët për pjesëmarrjen rekord.
Ai theksoi se pjesëmarrja e lartë, që arrin deri në 6 milionë votues, tregon angazhimin e madh të qytetarëve për procesin zgjedhor dhe vetëdijen e tyre mbi rëndësinë e këtij momenti për të ardhmen politike të vendit.
Në një deklaratë për shtyp, Magyar u shpreh:
“Pjesëmarrja jashtëzakonisht e lartë që sipas të dhënave tona arrin rreth 6 milionë votues, tregon rëndësinë e këtyre zgjedhjeve dhe vetëdijen e qytetarëve për situatën politike në vend. Ky angazhim i lartë është një dëshmi e qytetarisë aktive dhe e domosdoshmërisë për të formuar një qeveri që pasqyron vullnetin e popullit.”
