Pas vrasjes tronditëse të një të mituri në Pirg të Maliqit ditën e djeshme, një tjetër ngjarje e rëndë ka ndodhur sot në Korçë.
Një person është plagosur me thikë në fshatin Dvoran dhe është transportuar me urgjencë në reanimacionin e spitalit për ndihmë mjekësore.
Rrethanat e ngjarjes ende nuk janë të qarta, ndërsa policia ndodhet në vendngjarje dhe ka nisur hetimet për të zbardhur dinamikën, motivet si dhe për të identifikuar autorin apo autorët e mundshëm.
Ngjarja ka shkaktuar shqetësim në komunitet, veçanërisht pas episodit të dhunshëm të një dite më parë në të njëjtin qark.
