Presidenti amerikan Donald Trump ka bërë një deklaratë të fortë vetëm pak orë përpara fillimit të samitit në Alaska me presidentin rus Vladimir Putin.
Ai u shpreh se nuk do të jetë i kënaqur nëse nga bisedimet nuk del një marrëveshje për armëpushim.
“Dua të shoh një armëpushim. Nuk do të jem i lumtur nëse nuk ndodh sot”, ka thënë Trump, sipas asaj që raporton ‘Reuters’.
Sipas Shtëpisë së Bardhë, nëse armëpushimi dështon, Trump është i gatshëm të largohet nga samiti në Anchorage, çka tregon seriozitetin e qëndrimit të tij në këtë takim.
Ky samit po konsiderohet vendimtar në përpjekjet për paqe, në një kohë kur tensionet ndërkombëtare janë të larta dhe sytë e botës janë të kthyer nga ky takim.
