Pasditen e djeshme 14-vjeçari Erald Xhejo është vrarë me thikë nga bashkëmoshtari i tij, teksa po debatonin në një lokal në fshatin Pirg në Maliq.
Në lidhje me këtë ka reaguar kryetari i bashkisë së Maliqit, Gëzim Topçiu, i cili ka shprehur ngushëllimet për familjen e viktimës. Ai ka bëër edhe një apel për ti dhënë fund dhunës.
“E rëndë për të gjithë ne ngjarja në Pirg, ku i riu 14-vjeçar Erald Xhejo ka humbur jetën nga dhuna mes bashkëmoshatarëve. Ngushëllime të sinqerta familjes për këtë humbje të pazëvendësueshme. U prehtë në paqe! Apeli shkon për të gjithë në këtë ditë të vështirë: Stop dhunës, bashkëjetesësa duhet të jetë bazë e themelit të familjes e shoqërisë tonë!”, shkruan Topçiu në rrjete sociale.
