Presidenti i SHBA-së, Donald Trump ka paralajmëruar zhvillime të rëndësishme lidhur me Rusinë dhe Ukrainën.
“Në Rusi po bëhet përparim i madh. Qëndroni në pritje,” shkroi Trump në një postim në rrjetin e tij social Truth Social, pa dhënë më shumë detaje.
Mesazhi i tij vjen menjëherë pas një samiti që ai zhvilloi në Alaskë me Presidentin rus, Vladimir Putin — dhe vetëm pak orë përpara takimit të planifikuar në Shtëpinë e Bardhë me Presidentin e Ukrainës, Volodymyr Zelensky, që pritet të zhvillohet nesër.
