Presidenti amerikan Donald Trump u shpreh sot se ka besim se lufta në Ukrainë mund të përfundojë, duke shtuar se “ky zotëri dëshiron ta përfundojë, Vladimir Putin dëshiron ta përfundojë, e gjithë bota është e lodhur prej saj”.
Ai theksoi se është i bindur që do të gjendet një zgjidhje: “Jam i sigurt se do ta zgjidhim.”
I pyetur nëse e kupton se cilat janë “shkaqet rrënjësore” të luftës një frazë që Vladimir Putin e përdor për të justifikuar agresionin ndaj Ukrainës Trump tha se “do të diskutohet gjatë”, duke pranuar se konflikti është më kompleks nga sa e kishte parashikuar.
Duke iu referuar komenteve të mëparshme të tij dhe të Zelenskyy-t për përgjegjësinë për ndaljen e luftës, Trump tha se shpreson që pas takimit të sotëm të mund të organizohet një takim trilateral, i cili “mund të sjellë një fund të arsyeshëm të luftës”.
