Presidenti Donald Trump u shpreh optimist pas takimit me liderët e BE-së, duke konfirmuar se pati një bisedë konstruktive me presidentin Zelensky dhe se po punohet për një marrëveshje paqeje në Ukrainë.
Trump tha se një takim trepalësh mes tij, Zelenskyt dhe Putinit do të organizohet sa më shpejt për të negociuar një zgjidhje të qëndrueshme, duke përfshirë edhe diskutime mbi shkëmbimin e territoreve dhe vijat e betejës.
“Së bashku do të bëjmë Ukrainën shumë të sigurt dhe do të punojmë për të shpëtuar jetë njerëzish,” theksoi ai, duke shtuar se deri tani nuk ka pasur armëpushim, por shpreson që marrëveshja e paqes të arrihet në një të ardhme të afërt.
