Zvicra ka shprehur gatishmërinë për të pritur presidentin rus Putin për bisedime paqeje me Zelensky pa e arrestuar, pavarësisht mandatit të arrestit të Gjykatës Penale Ndërkombëtare.
Ministri i Jashtëm zviceran Ignazio Cassis, konfirmoi se Zvicra ka një kornizë ligjore që mund të lejojë udhëtimin e liderëve me urdhër-arrest ndërkombëtar për takime me karakter diplomatik.
Cassis theksoi se Zvicra ka traditë të gjatë në diplomaci dhe mund të sigurojë një platformë të sigurt për takime ndërkombëtare.
Ai po ashtu kujtoi një rast të ngjashëm kur një delegacion rus mori leje për të marrë pjesë në një ngjarje të tillë.
Megjithatë, për momentin, nuk ka një konfirmim zyrtar për një takim mes Putinit dhe Zelenskyt, por Zvicra është e gatshme të luajë rol ndërmjetësues nëse ky takim realizohet.
