Papa Leoni XIV po përgatitet të realizojë vizitën e tij të parë jashtë Italisë që nga zgjedhja si kreu i Kishës Katolike në maj të këtij viti, me destinacion Libanin.
Sipas kryepeshkopit Paul Sayah, zëvendës i udhëheqësit më të lartë katolik të Libanit, Vatikani po studion detajet e udhëtimit, ndërsa datat zyrtare priten të shpallen së shpejti.
Kjo vizitë pritet të jetë shumë e rëndësishme, pasi Papa Leoni XIV ka kërkuar vazhdimisht paqe dhe dialog ndërfetar në Lindjen e Mesme.
Libani, i njohur për karakterin e tij multikulturor dhe shumëfetar, konsiderohet një model i rrallë ku myslimanët dhe të krishterët jetojnë dhe bashkëpunojnë së bashku në harmoni.
Kryepeshkopi Sayah theksoi se kjo vizitë do të dërgojë një mesazh të fuqishëm për bashkëjetesën dhe paqen në rajonin e trazuar.
