Pas më shumë se pesë orësh në Prokurorinë e Posaçme Kundër Korrupsionit (SPAK), Arbër Veliaj, vëllai i kryebashkiakut të Tiranës, Erion Veliaj, ka lënë ambientet e institucionit.
Arbër Veliaj u mor në pyetje në lidhje me dosjen që përfshin Erion Veliajt dhe shprehu se kishte ardhur vullnetarisht për të sqaruar pozicionin e tij dhe për të bashkëpunuar me hetuesit.
Tre javë më parë, Gjykata e Apelit të Posaçëm rrëzoi ankimimin e Arbër Veliajt kundër kontrolleve që SPAK kreu në dhjetor 2024 në pronat dhe bizneset e tij.
Megjithatë, Gjykata e Lartë pranoi një rekurs të tij dhe ktheu dosjen për rigjykim, por më pas Apeli vendosi sërish mospranimin e ankimit.
Ndërkohë, më 23 korrik, Erion Veliaj u shpall zyrtarisht i pandehur për korrupsion, deklarim të rremë pasurie dhe pastrim parash.
Në hetime është përfshirë edhe bashkëshortja e tij, Ajola Xoxa. Veliaj ndodhet në paraburgim që prej 10 shkurtit, së bashku me disa të dyshuar të tjerë, përfshirë biznesmenin Elman Abulen.
