Kryeministri Edi Rama ka bërë sot një thirrje publike përmes një postimi në Facebook, duke ftuar qytetarët të marrin pjesë në nismën “Male të Pastra”, që do të zhvillohet më 26 gusht në dhjetë parqe kombëtare dhe natyrore.
Rama e cilësoi aksionin si një “kontribut modest dhe mesazh kuptimplotë për kujdesin ndaj natyrës së përbashkët”.
Nisma organizohet nga Agjencia Kombëtare e Zonave të Mbrojtura dhe ka për qëllim rritjen e ndërgjegjësimit për mbrojtjen e mjedisit dhe promovimin e turizmit të qëndrueshëm në Shqipëri.
