Australia ka marrë një vendim të jashtëzakonshëm duke dëbuar ambasadorin iranian, Ahmad Sadeghi, për shkak të dyshimeve për përfshirjen e qeverisë iraniane në sulmet antisemitike që ndodhën vitin e kaluar në Sydney dhe Melbourne.
Kryeministri Anthony Albanese i cilësoi këto sulme si “akte të rrezikshme agresioni” nga një shtet i huaj.
Shefi i inteligjencës australiane, Mike Burgess, konfirmoi se informacionet tregojnë përfshirjen e Iranit në këto ngjarje.
Si pasojë, ambasadori Sadeghi dhe tre zyrtarë të tjerë iranianë kanë marrë urdhër të largohen brenda shtatë ditëve.
Gjithashtu, qeveria australiane do të shpallë Gardën Revolucionare të Iranit si organizatë terroriste.
Ky është një veprim i rrallë për Australinë, pasi nuk dëbohet ambasador prej Luftës së Dytë Botërore. Deri tani, Irani nuk ka reaguar ndaj akuzave.
