Mesfushori 21-vjeçar i Dinamos, Klevi Qefalija, mund të marrë ftesën e tij të parë nga kombëtarja shqiptare këtë të premte, në përgatitje për ndeshjet miqësore ndaj Gjibraltarit dhe Letonisë.
Sipas gazetarit Andi Kasmi, Qefalija është në listën e pritjes dhe konsiderohet pjesë e planeve të trajnerit Silvinjo. Ky do të ishte një tjetër futbollist i Dinamos që ftohet nga FSHF, pas Naser Alijit.
Qefalija ka luajtur më parë me kombëtaren U-21 dhe është pjesë e Dinamos që nga janari 2024, kur u transferua nga Tirana.
