Milani ka nisur bisedimet për të transferuar mesfushorin Adrien Rabiot nga Marseille, me ndërmjetësimin e nënës dhe menaxheres së tij, Veronique Rabiot.
Klubi kuqezi është gati të ofrojë 15 milionë euro për kartonin dhe 5 milionë euro në sezon për lojtarin.
Megjithatë, mungesa në Kupat e Europës mund të ndikojë në vendimin e francezit, ndërsa marrëdhëniet e tensionuara me Marseille mund ta lehtësojnë largimin.
Si pjesë e marrëveshjes mund të përfshihet edhe Ismael Bennacer, ndërsa alternativa për Rabiot mbetet Giovanni Fabbian i Bolognas.
Transferimi i mundshëm i Yunus Musah te Atalanta për 25-30 milionë euro do të jetë kyç për realizimin e këtyre lëvizjeve.
