Të enjten në orën 18:00 në Monaco do të hidhet shorti për fazën e Ligës së Kampionëve, ku do të përcaktohen përballjet e 36 skuadrave pjesëmarrëse. Secila ekip do të luajë tetë ndeshje, nga katër në shtëpi dhe katër në transfertë.
Skuadrat janë ndarë në katër vazo bazuar në koeficientët e UEFA-s, që pasqyrojnë paraqitjet e tyre në kompeticionet evropiane.
Vazon e parë e përbëjnë emra të mëdhenj si Paris Saint Germain, Real Madrid, Bayern Munich, Barcelona dhe Liverpool, ndërsa vazot e tjera përmbajnë klube si Arsenal, Juventus, Napoli dhe Galatasaray.
Shorti do të zhvillohet duke respektuar rregullat: skuadrat nga i njëjti vend nuk mund të përballen në këtë fazë, dhe asnjë ekip nuk do të luajë më shumë se dy ndeshje kundër klubeve të të njëjtit shtet.
