Kryetari i Partisë Demokratike, Sali Berisha, reagoi sot pas shpalljes së rezultatit përfundimtar të zgjedhjeve të 11 majit nga Komisioni Rregullator në KQZ. Në një konferencë për mediat, Berisha theksoi se PD nuk i njeh këto zgjedhje dhe i cilësoi ato si “farsë elektorale”.
“PD nuk i njeh zgjedhjet e 11 Majit. Përfaqësuesit tanë mbajtën qëndrim dinjitoz në komision. Këto ishin farsë e vërtetë elektorale.”
Kryetari i PD-së akuzoi se zgjedhjet u shoqëruan me manipulime dhe ndikime të padrejta, duke i hedhur poshtë rezultatet e shpallura nga KQZ.
