Kuvendi i Kosovës u mblodh sot për të përmbyllur procesin e konstituimit, duke zgjedhur nënkryetarin serb. Kandidatët e Listës Serbe, Branisllav Nikolliç, Zllatan Ellek dhe Stefan Kovaçeviç, nuk morën asnjë votë.
Nikolliç mori 55 vota kundër dhe 25 abstenime, Ellek 54 kundër dhe 19 abstenime, ndërsa Kovaçeviç mori 54 vota kundër dhe 19 abstenime.
Lista Serbe, e cila ka 9 deputetë, kërkoi që kandidati të ishte Sllavko Simiç, por emri i tij është hedhur në votim tre herë dhe nuk ka marrë votat e nevojshme, sipas vendimit të Kushtetueses.
Konstituimi i Kuvendit ngeci te zgjedhja e nënkryetarit serb, duke e shtyrë formimin e Qeverisë së re.
