Deputetja e PD-së, Jorida Tabaku, ka reaguar pas konferencës së qeverisë për menaxhimin e mbetjeve, ku u prezantua ndërtimi i landfill-eve si zgjidhje.
Ajo e cilësoi këtë si pranim të dështimit të modelit të inceneratorëve, për të cilët janë shpenzuar rreth 430 milionë euro nga taksat e shqiptarëve, pa asnjë rezultat.
Tabaku theksoi se landfilli ishte propozimi i Partisë Demokratike që 12 vjet më parë, dhe se kjo alternativë është mbështetur edhe nga Bashkimi Europian dhe KLSH.
Sipas saj, qeveria po vazhdon të paguajë kontratat e inceneratorëve dhe ka shndërruar menaxhimin e mbetjeve në një aferë të madhe financiare.
