Presidenti i Ukrainës Volodymyr Zelensky deklaroi se bisedimet për garancitë e sigurisë për vendin e tij duhet të kalojnë urgjentisht në nivelin e liderëve botërorë, duke përfshirë edhe presidentin amerikan Donald Trump.
Ai tha se Ukraina dhe aleatët do të presin deri më 1 shtator për një përgjigje nga Rusia lidhur me pjesëmarrjen në bisedime për përfundimin e agresionit.
Zelensky kërkoi që garancitë e sigurisë të jenë juridikisht të detyrueshme dhe jo simbolike, si Memorandumi i Budapestit.
Ai paralajmëroi gjithashtu për një përqendrim të madh të trupave ruse pranë qytetit Pokrovsk, duke e cilësuar situatën në atë rajon si “më shqetësuesen për momentin.”
