Reshjet e dendura të shiut kanë detyruar shumë pushues të largohen nga plazhet e Velipojës dhe Shëngjinit, duke shkaktuar një trafik të rënduar në akset kryesore Shkodër–Lezhë dhe Lezhë–Milot.
Situata është përkeqësuar prej më shumë se dy orësh, ku qarkullimi është vështirësuar gjithashtu edhe në rrugët dytësore. Dalja nga Shëngjini është bërë problematike për drejtuesit e automjeteve.
Për të menaxhuar situatën, punonjësit e policisë janë vendosur në akset kryesore dhe kryqëzime, duke mundësuar rregullimin e trafikut.
